Posted: February 21, 2022
Gipangunahan mismo ni City Mayor Estong Matugas an panagtigum nan Finance Committee sa gobyerno sa syudad ini para na sa pag tuki nan pag alokar nan dugang pondo para na sa pagpamalit nan dugang hinabang human an kapin buyan nan paghapos nan makusog na Bagyong Odette.
Posted: February 21, 2022
Isip kabahin sa pagpanhatod nan hinabang personal na gehatag mismo ni Konsehal Sebastian Nagas sa pagpangulo ni City Mayor Estong Matugas an mga lamesa sanan lingkoranan sa Brgy. Quezon ning dakbayan para na magamit sa ila Brgy sa pag asikaso nan ila mga pan adlaw-adlaw na transaksyon para sa padajon na pagserbisyo sa mga katawhang Surigaonon.
Posted: February 21, 2022
Nahidangat sa gobyerno nan siyudad an hinabang nan PhitMaster Cares daya an food packs nga gepan apod apod gilayon sa Sitio Dacuman, Purok Rosal, Brgy. Ipil, Surigao City nga personal mismo gehatod ne City Mayor Estong Matugas eban si Konsehal Mario Gesta sanan Konsehal Atty. Jex Bayana
Nagmalipayon sanan puno nan pasalamat an tanan pamilya, nga nagpakadawat nan eni na donasyon kay bisan sa kasuok sa ilang lugar nahatagan sa gihapon nan pagtagad an pagbisita sanan paghatod nan hinabang.
Posted: February 21, 2022
Mitambong an kadagkuang opisyal sa dakbayan na tagpangunahan ni City Mayor Estong Matugas iban sa opisina nan CPDO, CSWDO, CEO, CDRRMO lakip na nila Atty. Jerry Centro an City Administrator sanan Atty Manuelito Delani an City Legal Officer.
An amo na panagtigom gipasiugdahan na sa National Economic and Development Authority (NEDA) pinaagi na ni Director Priscilla Sonido, Regional Director kaiban na sa iban pang mga Regional Director, Provincial Directors sanan myembro nan RDRRMC.
Posted: February 21, 2022
Nagpadajon ang pagpanhatod nan LIBRENG packlunch ngadto na sa mga Senior Citizens, PWDs sanan kabataan sa Brgy Mapawa na gipasiugdahan nan pagamhanan sa dakbayan kaabag ang kasundalohan sa pagpalujo isab nan PCSO.
Samtang, padajon isab an pagpanhatod sanan pag apod-apod sa mga DSWD relief boxes ngadto na sa Brgy Mapawa sanan Brgy Nabago diin mismo si City Mayor Estong Matugas kaiban si Konsehal Mario Gesta ang nagtunol niining mga hinabang ngadto na sa mga residente sa nasampit na mga barangay.
