NEWS & EVENTS

iNFOCUS: Road Clearing Operation nan dakbayan, nagpadajon sa gihapon!

Sa pagpanguyo na ni City Legal Officer Atty. Manuelito Delani nahimong nag malamposon an resulta sa gipahigayon na Clearing Operation diha na nga bahin sa Barangay Rizal diin nalimpyo an kilid na bahin sa maong kadayanan sa Brgy Rizal Highway.

An amo na road clearing operations nagsumikad sa gihapon sa kamanduan ni Presidente Rodrigo Roa Duterte alang na sa tanan Mayores sa dakbayan sa nasod aron sa paglimpyo ug pagpahawan sa mga pampublikong kadayanan.

iNFOCUS: Mukabat sa 37 ka parisan gitakdang kaslon sa Pre-Valentines Kasalan!

Jaoy mukabat sa 37 ka parisan an gikatakdang paga kaslon kuman umaabot Pebrero 12 tuig 2021 atol na sa tinuig na kalihokan na Pre-Valentines Kasalan.

Ini sumaya pa ni Ms. Grace Pomoy an kasamtangan na city civil registrar nan dakbayan. Tagbutyag isab sa maong hepe na an libreng kasalan sa valentines an ipahigayon diha na suyod sa city auditorium.

iNFOCUS: Art Exhibit gi-display sa City Hall Compound agig pag selebtar nan National Arts Month!

Gipan display sa sulod sa City Hall Compound nan Syudad nan Surigao an mga Art exhibit nan mga kabatan-onan sa Cabrera-Altres National Highschool na tagpasiugdahan isab sa buhatan nan City Tourism sanan sa buhatan ni City Mayor Estong Matugas agig pag selebrar sa tinuig na National Arts Month.

Kapin 200 Milyones ka pesos na mga proyekto naangkon nan mga kabaranggayan sa dakbayan!

Mikabat sa P276,018,500.90 ka pesos an kinatibuk-an na kantidad sa mga proyekto an nahidapat sanan na-angkon nan mga kabaranggayan nan dakbayan sa tuig 2020.

Pipila lamang sa mga proyekto niini amo na an sa Brgy. Alegria, an pagkompleto sa Tourist Inn na mikantidad nan P1,000,000.00.
Laing proyekto isab sa Brgy. Anomar, an school perimeter fence nan Anomar Elemementary School sanan sa Anomar National High School pag kompleto nan Female Building sanan Residential Center niini.

"COVID-19 Vaccine Communications Training of Trainors" gipahigayon!

Sa gipahigayon na "COVID-19 Vaccine Communications Training of Trainors" para na sa mga Information Officers sa matag Lokal nga pagamhanan, gipasabot niini ang role sa isa ka responsably nga mamahayag kabahin na sa pag pagawas sa mga impormasyon may kalabutan sa COVID-19 Vaccinations.
Kini kampanya na usab batok sa mga Misinformation/Disinformation na mikanat sa social media na diin nakahatag ng kalisang sanan kahadlok o kaguol sa katawhan.

Pages