NEWS & EVENTS

iNFOCUS: Turn-over of Projects ngadto na sa Sitio Brazil, Brgy. Mat-i Surigao City, nagmalamposon!

Nahimong nagmalamposon na gipahigayon an pag turn-over na sa mga proyekto nan pagamhanan pinaagi na sa Sustainable Livelihood Program nan DSWD tungod sa dakung suporta isab nan administrasyon ni City Mayor Estong Matugas diha na sa bukid nan Sitio Brazil, Brgy Mat-i ning dakbayan sa Surigao. Diin mukabat sa 10,000 ka fingerlings nan Tilapya kon P586,800.00 ka pesos sanan P537,800.00 na Vegetable Production na mu suma total nan P1,124,600.00 ka pesos an kinatibuk-ang proyekto nga nahatag ngadto na sa Sitio Brazil Women's Organization sanan ngadto na sa Brazil Farmers Association.

iNFOCUS: Temporaryo na pagsarado sa pribado sanan panpubliko na sementeryo tagmando!

Gimandu sa buhatan ni City Mayor Estong Matugas pinaagi na sa isa ka Ehikutibong Kamanduan kon Executive Order No. 47 an pagsarado temporaryo sa mga pribado sanan mga panpubliko na mga sementeryo sugod kuman petsa 30 ning buyan sa Oktubre hangtod na petsa 2 nan buyan sa Nobyembre tuig 2021.

iNFOCUS: 3rd Quarter CPOC meeting, tagpahigayon!

Nahimong nagmalamposon an ika-tuyo na kwarter na panagtigom nan City Peace and Order Council na tagpangunahan mismo ni City Mayor Estong Matugas, Ms. Jimylen Ballicud nan City-DILG sanan Atty. Manuelito Delani an City Legal Officer ug kasamtangan na Action Officer nan CPOC, kaiban na sa nagkadaiyang myembro sanan representante nan mga departamento sa gobyerno sa dakbayan diin ini tagpahigayon sa City Cultural Center petsa 29 ning buyan sa Setyembre tuig 2021.

Pages