October 22, 2018

   

Vegetable Expo Harvest Festival, gipahigayon.

 

Infocus: Nagmalamposong gipahigayon ang Vegetable Expo Harvest Festival petsa 22 ning bulan sa Oktubre 2018, nga nagdala sa temang "Better Seeds for Better Yield" didto sa Purok 6 Brgy. Trinidad sakop ning dakbayan sa Surigao.

Ang maong programa gipa siugdahan sa buhatan sa City Agriculture sa pagpangulo ni Ms.Hydee Villalba, diin mihatag ug usa ka Inspirational message kauban ni Ms.Lilibeth Arce, Farmer Cooperator ug Mr. Ronald D. Adorable, ang Field Marketing Supervisor sa East West Seed Company.

Atol sa maong programa nahimo usab nga pinasidunggang bisita ang Field Marketing Representative sa East West Seed Company nga si Mr. Nelben S. Gubalani.

Gibutyag usab ni Ms. Villalba nga pipila sa mga na harvest sa maong kalihokan mao ang Mais, Kalabasa, Talong, String Beans, Sandiya, Pechay, ug uban pang mga gulay nga gikan sa grupo sa Dev't. Agri-Youth, ug ang Organic Agriculture nga ubos usab kini sa pagpaningkamot sa farmers cooperator na si Lilibeth Arce uban nila ni Engr. Woodson Escobal ug ni Raymond Valleser.

Sumala pa nga ang maong mga binhi sa mga pananum ang naga gikan kini sa East West Seed Philippines. Diin pinaagi sa tabang sa gobyerno sa syudad ubos sa administrasyon ni Mayor Ernesto Matugas kini gi implementar ug gihatagan ug dakung suporta nga dakung ikatabang sa mga nasampit nga asosasyon sa dakbayan ug naghinaut nga ang maong partnership ang magpadayon aron mas daghan pang mga Surigaonon ang makadawat sa maong karajawan ug makapananum ug susamang mga gulay gamit ang organic farming.