October 24, 2018

Senior Citizens, nagpaka dawat na sa ilang UCT.

 

Infocus: Ang buhatan sa City Social Welfare & Development Office sa pag panguna ni Mrs. Gloria Salvador ang nang apod-apod ngadto na sa mga Senior Citizens sa ilang Unconditional Cash Tansfer kon (UCT) petsa 20 ning bulan aa Oktubre diha na sa city gym ning dakbayan sa Surigao.

Sumala pa ni Mrs. Salvador nga mikabat sa 4,282 ka mga senior citizens ang nag paka dawat sa kantidad nga tag P2,400.00 ka pesos ang matag usa kanila isip ilang social pension.

Dugang pa sa maong OIC nga ang mosunod nga batch nga mamahimong maka binipisyo sa maong programa ang wala pay gikatakdang petsa eskedyul kung kanus-a kini ipahigayon, kini gumikan sa nag agad ra lamang sila sa abiso gikan na sa regional office sa Caraga.

Hinungdan nga gipahibalo sa maong buhatan ang tanang mga Senior Citizens nga mag hulat na lamang sila sa anunsyo, kung kanus-a na usab ang pag pang apod-apod sa maong UCT alang na sa mga senior citizens nga wala pa magpakadawat sa maong binipisyo gikan sa gobyerno.