June 3, 2019

iNFocus: Tagsa ka karton nga mga pocket books ang gitunol ngadto na sa duha ka skwelahan sa dakbayan mao ang Surigao City National High School ug Regional Science High School kini atol sa pag-abli sa ting klase. Ang maong mga pocket books ang gikan kang Mayor elect Estong Matugas pinaagi na ni Hon Janree Gonzales. Tumong ug tuyo niini mao na ang paghatag ug action sa request sa nasampit nga mga tulunghatan nga makadawat sa maong mga pocket books aron mabutang sa ilang school library para adunay magamit ug mabasa-basa ang mga estudyante gawas sa pag-gamit ug mga computers.

Sa ilang kabahin daku ang pasalamat sa mga kadagkuan sa Surigao City National High School ug Caraga Regional Science High School ngadto kang city mayor elect Estong Matugas nga padayon kining naghatag ug dakung suporta sa mga tulunghaan ilabina kung para sa mga kabatan-onan.

Samtang sa laing bahin, kauban usab sa maong higayon si PMAJ Tessiel Moleta nga nakigkooperar sa maong eskwelahan para sa ipahigayong mga aktibidadis may kalabotan na sa siguridad sa mga estudyante lakip na ang planong pagpan recruit sa mga kabataan sa mga walhong pondok. Dugang gihatagan ug pagtagad sa hanay sa kapulisan mao ang pagmentenar sa kahapsay ug kalinaw sa dakbayan ilabina sa mga eskwelahan atol sa unang adlaw sa ting-klase.