December 4, 2018

Turn-over of Irrigation System, nagpalamposon

 ℹnfocus: Nahimong nagmalamposon ang gihimong pag turn-over sa irrigation system nga gipahigayon petsa 3 ning bulan sa Desyembre 2018 sa Brgy. Danao ning dakbayan. Mismo si city mayor Nitoy Matugas ang nanguna niini kauban ni Mrs Hydee Villalba, ang kasamtangang city agriculturist; kapitan Alex Palen sa Brgy Danao; ug nila ni Kag. Estong Matugas Jr. chairman sa Committee sa Agriculture ug Kag. Jun Edradan Jr.. Nahimong recepient niini mao ang Irrigators Association nan Brgy Danao sa pagpangulo ni Mr. Nicanor Madrid diin kini sila nagpasalamat ug daku tungod kay dili na lisod sa ila ang patubig alang na sa ilang mga umahan. Samtang gilauman sa gobyerno nga kini ilang paga amomahon aron sa dugay nga panahon ilang pamahimoslan.