Dugang benipisyo alang sa mga empleyado!

Ang panggamhanan sa dakbayan sa Surigao sa pagpangulo ni City Mayor Ernesto T. Matugas ang nagmalipayon tungod kini makapanghatag na usab ug laing dugang benipisyo ngadto na sa mga regular employee sa city hall, kini pinaagi na sa SURCEMA kon Surigao City Employees Association.

Sumala pa ni Mr. Evaresto Cotiangco ang presidente sa maong asosasyon nga ang SURCEMA mao ang union sa city hall nga tag organize aron sa ingon nga kon adunay mga bag.ong probisyon sa Civil Service Commission, higayon kini nga ang atong lokal nga pangamhanan ang makahatag labina sa mga savings para sa mga benipisyo sa mga empleyado.

Susama niini mao ang makadawat matag kataposan sa tuig, nga diin kung adunay subra o pundo ang matag buhatan, ang pwede kining gamiton isip dugang benipisyo sa mga empleyado.

Samtang gipasabot usab ni Cotiangco nga sa pagkakaron ang maka benipisyo niini mao lamang kadtong mga regular nga empleyado lakip ang tagsa-tagsa ka hepe sa matag opisina ug mga elected officials.

Apan sumala pa nga makig coordinate una sila sa maong union, kini gumikan aron masiguro nga myembro niini hilabi na kadtong adunay sweldo sa 25,000 pataas kay matud pa kinahanglan nga nakabayad na sa maong agency fee ug usab aron makapahimolos sa nasampit nga benipisyo.

Dugang pa ni Cotuangco nga ang maong union ang maoy lang gihatagan ug katungod sa Civil Service nga makig-negotiate ngadto na sa management o di kaha ngadto sa Mayor nga mismo maoy mihimo ug panel nga makig atubang sa union officers aron sa pag hisgot sa CNA kon Collected Negotiation Agreement nga mag hisgot kung unsa ang mga legal basis aron sa pag hatag ug mga benipisyo ngadto na sa mga empleyado nga dili supak sa balaud.

Gipasabot usab ni Cotiangco nga isa sa gitugot sa DBM mao ang paghatag ug dili mosubra sa 25,000.00 nga incentives, sa kondisyon nga kon adunay savings ang atong LGU sa mga utilities, ug naka tuman ba ang LGU sa 70 percent nga target, ug gikinahanglan usab ang maong pag-daginot sa matag opisina aron sa ingon nga adunay pundo nga sarang maoy mamahimong benipisyo nga mapaabot sa kataposang bahin sa bulan sa Disyembre matag tuig.