iNFOCUS: Pagpamalit ug mga importanteng kamtangan batok COVID-19, gi aprobahan sa konseho sa dakbayan!

Aprobado sa konseho sa dakbayan ang gi rekomendar sa Inter-Agency Task Force for COVID-19 ang pagpamalit pinaagi sa emergency purchase sa mga kamtangan ug mga ekipo nga pagagamiton sa mga personaheng muhimog pagpan check sa mga ports of entry pasulod sa syudad sa Surigao.

Mukabat sa P5 milyones ka pesos ang ge allocate nga fund diin kini pagakuhaon sa LDRRMF. Ang pag aprobar gihimo sa gipahigayon nga Special Session sa Sangguniang Panlungsod didto na sa CMO-Conference Room adlawng hwebes sa may alas 4:30 sa hapon. Kini alang na sa hinanaling aksyon sa pagamhanan aron pag implementar ug ma sustenir ang gipagawas nga mga kamanduan sa gobyerno subay sa regulasyones nga gilatid sa Department of Health National.

Dugang pa nga lakip niini ang pag-purchase ug Thermal Gun/Scanner, Vitamins, Alcohol ug uban pa nga diin ipan-distribute usab sa 54 ka brgy. sa syudad sa Surigao.