February 14, 2020

iNFOCUS: Libreng Kasalan sa Valentines, nagmalampuson!

Ang kagamhanan sa syudad pinaagi sa City Civil Registrar ang nagmalampusong mipahigayon ug Libreng Kasalan sa Valentines adlawng Biyernes petsa 14 ning bulan sa Pebrero tuig 2020.

Adunay 70 ka pares ang malipayong nakasal karong adlawa nga gitambungan sa mga City Councilors, Department Heads, Ninong/Ninang sa kasal, amigo ug pamilya niini.

Dugang pa nga maong tinuig nga kalihukan ang gipadayong gisuportahan sa bag-ong administrasyon ubos sa pagpangulo ni City Mayor Estong Matugas kay matud pa sa Mayor nga ang tumong sa maong programa ang mahatagan ug libre nga kasal ug mahimong legal na ang panagtibo sa manag pares diin tinod-anay nga nagminahalay apan dili mapakasal tungod sa kakulangon sa salapi.

Ang maong kasal LIBRE ug adunay ilang nadawat nga regalo gikan mismo sa pagamhanan sa dakbayan.