❗️NFOCUS: Joint Executive and Legislative Emergency Meeting, gipangunahan mismo ni Mayor Estong Matugas!

Nahimong nagmalamposon ang gipahigayong joint Executive-Legislative Emergency meeting nga gipangunahan mismo ni city mayor Estong Matugas ug gitambungan sa mga nagkadaiyang ahensya, buhatan lakip na sa tanang myembro sa konseho sa dakbayan.

Sa maong panagtigum na desisyunan ang mga musunod:

*Pagsuspende sa klase sa tanang ang-ang gikan na sa preschool, elementary, secondary, senior high, college and post graduate both private and public sugod Marso 16-22, 2020
diin maoy nauyonan sa mga kadagkuan sa DepEd ug Pribadong mga eskwelahan.

*Pagkansela sa mga byahe pagawas sa Caraga Region ilabina sa mga kawani sa gobyerno ug pagkansela sa tanang klaseng aktibidad nga makapatipon ug gindaghanong partisipante o mass gathering

*Estriktong pag-implementar sa Curfew sa tibook syudad sa Surigao nga taman ra sa alas 10 sa gabie pwede maglakaw sa kadalanan

*Estriktong pag-implementar sa Price Freeze ilabina sa mga nag unang pamaliton nga may kalabotan batok sa Covid19

*Pagbutang ug mga sanitizers/alcohol sa mga establisyemento ma pribado man o pampubliko alang na sa mga personahe ug kleyente, pagbutang ug sabon o sanitizers sa mga comfort rooms

*Pagkuha sa temperature pinaagi na sa thermal gun/scanner sa mga musulod sa mga establisyemento o opisina ma pribado man o pampubliko

*Pagsuspende sa mga sabong o bisan unsang matang nga aktibidad nga mukuha ug mga tawo nga mutambong o muapil

*Pagsuspende sa mga Barangay Assembly o bisan unsang susamang kalihokan sa matag barangay

*Nauyunan usab nga wala nay graduation ceremony nga ipahigayon sa mga eskwelahan (alang sa dugang kasayuran deriktang makisayod sa matag tulunghaan)

Samtang sa maong panagtigum usab gihangyo sa buhatan sa Maayong Panlawas ang katawhan nga kung ugaling ikaw gikitaan ug nakasinati na sa mga ordinaryong sintomas susama sa gahing ubo, sip-on, hilanat ilabina kung adunay imong history of travels o gikan milarga sa gawas sa nasud o sa lugar nga apektado na sa Covid19, ang mamahimong muduol sa Caraga Regional Hospital alang sa saktong proseso sa pag check-up or muhimo usab sa pagtawag sa numero (086) 826 1575.

Gipaklaro usab sa maong panagtigum nga ang nahireport sa kauluhan nga pinakaunang namatay sa kasong Covid-19 nga usa lamang ka Surigaonon nga dugay na nga wala sa Surigao kay kini didto na man nagpuyo sa Manila.

Dugang pagpasabot ug pagpaklaro isab nga ang PUI kon Person Under Investigation dili pa kini makonsiderar nga usa ka kaso sa Covid19 hangtod sa mugawas ang resulta sa pagpakisusi niini nga ipasa didto sa RITM National sulod sa 5-7days makuha ang resulta kon ugaling positibo o negatibo kini sa Covid19.

Sa pagkakaron, WALA pay kaso nga naitala sa dakbayan sa Surigao sa COVID-19.

Padayon isab ang panging batok sa pagamhanan sa dakbayan sa pagpanguna ni Mayor Estong Matugas nga naninguhang mahiluwas ang matag Surigaonon sa Corona Virus 2019.

Ang tanan magpabiling magpabinantayon ug mamahimong responsabli sa tanang panahon ilabina sa paghatag usab ug mga impormasyon.