Gidawat sa mga opisyales nan dakbayan sa dihang mihimo sa ilang pagkurtesiya an tuyo ka mga Senador nan Republika nan Pilipinas na sila ni Senator Migz Zubiri; Senator JV Ejercito sanan si Senator Win Gatchalian human ini milibot sa syudad nan Surigao sanan nakighimamat sa mga Surigaonon.

Gi abi-abi sa mga kadagkuang opisyal na tagpangunahan ni City Mayor Estong Matugas kaiban na sa mga konsehales na sila ni Konsehal Cacel Azarcon; Konsehal Joshua Geli; Konsehal Jex Bayana; Konsehal Mario Gesta sanan ni ABC President Rico Nagas iban na isab nila ni Mr. Jojo Tinio sanan ni Mr. Allan Japor an mga kasamtangang Senador.

Sa maong higayon gikumusta niini an kasamtangan na sitwasyon nan dakbayan human isab an nahitabong kalamidad samtang nagpaabot nan ila mga mensahe sa pagsuporta sa kasamtangan na administrasyon.

Gipaabot isab ni Mayor Estong Matugas an ija pasalamat sa pagbisita sa mga nasampit na mga senador. Samtang, sa maong higayon nahisgotan an may kalabotan na sa sektor nan elektrisidad diin gipasabot ni Senator Win Gatchalian na hingpit na nga usa ka balaud de gobyerno an ija tagsulong na microgrid system ubos sa RA 11646 nga bag-ohay pa lamang napermahan ni Pangulong Rodrigo Duterte ning tuig 2022. Diin ini na balaud an jaoy mandato sa Department of Energy (DOE) para mahatagan nan saktong panerbisyo sa elektrisidad an mga lokalidad na maka angkon nan linya nan kuryente 24 oras.

Salamat sa pagbisita!

#bESTrONGSurigao
#BangonSurigao