Mapasalamaton an gobyerno sa syudad nan Surigao pinaagi na ni City Mayor Estong Matugas ngadto na sa kadumalaan nan Technical Education and Skills Development Authority kon TESDA pinaagi na ni Dir. Tarhata S. Mapandi an Regional Director nan TESDA Caraga sa mga kamtangan na tagpan apod-apod niini ngadto na sa mga nagpakatapos nan Shielded Metals Arc Welding NC II nan Livelihood Training and Productivity Center (LTPC) sanan mga galamitan nan pagluto ngadto na isab sa mga nagpakahuman nan Cookery NC II sa Surigao Doctor's College diin ini sila ubos na sa 2019 Special Training for Employment Program (STEP).

Mitambong sa amo na kalihokan an mga kadagkuang opisyales nan TESDA gikan na sa rehiyonal niini na buhatan, lakip na usab ni Provincial Director Catalina O. Tacubao; si Assistant Provincial Administrator and Spokesperson Simeon Castrence na nag representar ni Congressman Bingo Matugas.

An amo na aktibidad an gipahigayon diha na sa LTPC Conference Room petsa 27 ning buyan nan Hulyo tuig 2021.