September 03, 2019

Nag-malamposong mipahigayon ug Social Pension Pay-out alang na sa 54 ka Brgy. ang buhatan sa DSWD Caraga Region sa pakigtambayayon sa City Social Welfare and Development Office (CSWDO) sa pag-panguna sa CSWD Officer Gloria Salvador, petsa 3 sa buyan sa Setyembre didto na sa Nueva Gymnasium Brgy. Taft ning syudad.

Adunay 2,031 ang maong bilang sa mga Indigent Senior Citizens ang maong nagpakadawat sa kantidad nga P6,000.00 ka pesos, kini ang maong kinatibuk-ang kantidad nga makuha sulod sa usa ka tuig.

Ang maong mga Senior Citizens nga nagpakadawat mao kadtong na verify sa buhatan sa DWSD Caraga Region kaabag ang buhatan sa OSCA kon Office of the Senior Citizen Affair ning dakbayan.

Mapasalamaton usab ang paggamhanan sa lokal sa mao nga programa, kini tungod daghan ang mga Surigaonon nga nagpaka-benipisyo ug nanghinaut nga madugangan pa ang bilang sa mga Senior Citizens nga mkabenipisyo.

Matud usab ni Maam Salvador nga aduna pay lain nga batch ang magpakadawat alang na sa tuig 2019.

Samtang, kini nga programa ang padayon usab nga gisuportaran sa kasamtangang administrasyon ni city mayor Estong Matugas nga dakung nalipay ug naghinaut nga mahimong mapuslanon ngadto sa mga nagpakadawat ang maong grant.

Sa mga buot mag-pakadawat sa mao nga pension mamahimo lamang mobisita sa buhatan sa CSWD Office nga nahimutang sa City Hall Compound para na usab sa mga dugang impormasyon.