Gumikan sa mga yangongo nan kadaghan sa mga residente sa syudad nan Surigao ini mahitungod na sa pag saka nan balayrunon sa kuryente. An mga myembro sa konseho sa syudad nan Surigao sa pagpanguyo ni city vice mayor Nitoy Matugas an gihatagan ini nan igong pag tagad pinaagi na ni kagawad Cacel Azarcon sa pag duso nan resulosyon sa pagpatawag sa mga kadagkuan nan Surneco sa sunod na regular session, kini aron sa pag klaro kung uno sanan nganong kalit an pag taas sa balayrunon sa kuryente.
 
Tag sugyot isab ni presiding officer vice mayor Nitoy Matugas na kinahanglan na ipatawag an General Manager nan SURNECO aron sa ingon na masayran sanan mahatagan nan katin-awan sa mga Surigaonong konsumante sa sugang dagitab an hinungdan sa pag saka nan bayrunon nila sa kuryente.