Nagmalamposon an pagpahigayon sa Distribution of Rice Assistance nan gobyerno sa dakbayan ngadto na sa mu kapin 1,000 ka mga pamilyang residente nan Barangay Mabini an nagpakadawat nan ayoda na bugas gikan na sa lokal na pagamhanan nan dakbayan. Diin personal mismo na gitunol ini ni City Mayor Estong Matugas kaiban na isab sa mga kasamtangang konsehales na sila Konsehal Cacel Azarcon; Konsehal Sebastian Nagas; Konsehal Joshua Geli; Konsehal Mario Gesta iban isab ni Mr. Allan Japor.

Sa amo na higayon nag apod-apod isab nan libreng mga tambay sanan mga bitamina diin ini gikan sa PCSO na gi donar sa syudad ug gihatag gilayon sa nasampit na Barangay alang na sa maayong panlawas.

Samtang daku an kalipay sa mga residente nan Brgy Mabini tungod kay ubay-ubay na gajud na mga hinabang an ila nadawat sanan na angkon human mahapos nan makusog na Bagyong Odette. Nagpaabot isab nan ija pasalamat si Kapitan Ernesto Perejan sa wayay puas na suporta sanan tabang nan administrasyon ni Mayor Estong Matugas ngadto na sa mga taga Brgy. Mabini.

#bESTrONGsurigao
#BangonSurigao