Nagpadajon an pagpan apod-apod nan mga abonong Uria ngadto na sa mga Surigaonong mag uuma sa mga kabarangayan sa ning dakbayan. Sumaya pa jaoy na muabot sa 3,897 an ila naihatag na mga abuno ngadto na sa mga nagka lain-laing asosasyon nan mag uuma. Libre an nasampit na abono diin ini ubos na sa programang RRP-ll kon Rice Resiliency project nan Dept. of Agriculture pinaagi na isab sa gobyerno sa syudad ug sa buhatan sa Pan-agrikultura nan dakbayan sa pagpanguyo ni Ms. Hydie Villalba.
 
Nahimong benepisyaryo sa amo na proyekto sa DA amo na an Agri-4ps isip Ahon Lahat Pagkaing Sapat kontra COVID-19 pinaagi na isab sa pag paningkamot sa administrasyon ni City Mayor Estong Matugas aron sa ingon na jaoy igong supply na bugas sa padajon kuman na nasinati na pandemya.
 
Samtang ang buhatan sa DA an naka pang hatag na ug duha (2) ka klase sa certifide sa humay na mao ang Inbred ug Hybrid production. Ang mga nahatagan na sa maong abuno mao an musunod na mga Barangay: Brgy. Anomar na adunay 254 ka sako, Mat-i 390, Manjagao 15, Rizal 317, Silop 61, Lipata 20, Mapawa 96, Trinidad 92, Bonifacio 291, Orok 142, Balibayon 70, Quezon 121, Ipil 236, Nabago 130, Cagniog 144, Luna 53, Mabini 308, Serna 260, San Roque 110, Poctoy 10, Togbongon 20, Capalayan 251, Seed Grower 200, Cabongbongan 100, sanan Sukailang na jaoy 6 ka sako.