Gilusad na sa pagamhanan nan dakbayan nan Surigao an isa ka Information, Education and Communication (IEC) na aktibidad diin ini una tagpahigayon sa Brgy. Cabongbongan sakop ning dakbayan. Ini na kalihokan an hugtanong maghatag nan mga mahinungdanong impormasyon ngadto na mismo sa mga kabarangayan o komunidad diin ipahibayo sa mga yanong Surigaonon an mga serbisyo nan gobyerno nan dakbayan na angayan nilang mapahimuslan susama na sa mga musunod: Mga libreng suporta sa pag eskwela, social pension sa mga katiguyangan, LIBRE nga medikal ug burial assistance, mga slots nan summer jobs sa city hall alang sa mga kabatan-onan, Sustainable Livelihoood Grants; Livelihood enhancement and productivity training na tagtanyag nan LTPC; Basic Fire Safety; Anti-Terrorism and IEC on EO 70 ni Presidente Rodrigo Roa Duterte na amo an pagpanhingusog sa paghunong na sa mga pan kumunistang kalihokan; IEC on DRR-CCA lakip na usab ang mga mahinungdanong impormasyon kalabot na sa COVID-19 ug VACCINATION. Samtang mitambong isab si Hon. Joy Yuipco, an chairman sa Public Safety and Order nan konseho sa dakbayanan sa amo na kalihokan.

Nahimong mamumulong ug mismong nanguyo sa amo na kalihokan sila ni Atty. Jerry Centro, an city administrator ug kasamtangang nanguyo sa Livelihood Productivity Training Center kon LTPC; FISNP Abel Dubduban nan Surigao City BFP Station iban sa ija mga personahe; mga hanay nan kasundalohan ubos sa pagpanguna ni LTCOL Aristotle Antonio; representante nan kapulisan sanan mismo ang mga personahe nan Public Information Office nan dakbayan pinaagi na ni Ms. Annette Villaces ubos isab sa buhatan ni City Mayor Estong Matugas.

Sa iyang kabahin si Punong Barangay Evelyn Torejas nan Brgy Cabongbongan an nagpadayag sa ija kalipay sanan pasalamat na una sila tagbisitahan nan grupo para mahatdan nan mga impormasyon na angayan nila na mahibay-an lakip na isab an ila mga nadawat na libreng Facemask, Faceshield sanan mga gamit sa ila brgy na gikan kay Mayor Estong Matugas isip suporta sa ila nagpadajon na pagpanerbisyo sa mga Surigaonon.

#SaktongImpormasyon
#PaglamboAtongIpadajon