September 17, 2019

Kon kadumduman sa buyan nan Hulyo ning tuiga nagsugod ang hugot nga pag implementar sa public road clearing diri sa nasod sa Pilipinas kini nagsumikad usab sa kamanduan mismo ni Presidente Rodrigo Duterte ngadto na sa tanan Mayores sa nasod, ug kini gilugwayan lamang sulod sa 60 days aron sa paghinlo, pagpahawan sa mga pam- publikong kadalanan.

Hugot ang pag suporta niini nga kamanduan sa Presidente sa lokal na pagamhanan pinaagi na sa buhatan ni city mayor Estong Matugas, nga nagtudlo kang Atty. Manuelito Delani ang City Legal ug kasamtangang CADAC/CPOC Action Officer aron pag panguna sa Task Force paglimpyo ug pagpahawan balik sa mga sidewalks.

Sa dakbayan sa Surigao, na obserbaran na ang tinuod nga kausaban sa tanang publikong kadalanan sa syudad. Hingpit kini nga gi- paningkamotan sa mga kadagkuan ang direktiba ni Presidente Duterte aron hingpit usab matagamtaman sa matag usa ang kahapsay og limpyo nga palibot.

Dugang pa nga gipahinumduman na usab ni Presidente Duterte ang tanang LGUs nga kutob lamang sa Septyembre 29, 2019 ang clearing operation sa nasod.

Tungod niini, mas dobleng paglimbasog ang gihimo karon dakbayan para makab-ot ang 100% nga kalamposan sa public road clearing adisir matapos ang bulan sa Septyembre.