Nahimong nagmalamposon an gipahigayon na Ceremonial Groundbreaking Ceremony sa mga proyekto na jaoy kinatibuk-ang kantidad 20 milyones kapesos ubos na sa Local Government Support Projects Fund nan kagamhanang nasyonal ubos sa administrasyon ni Presidente Rodrigo Roa Duterte. Ini tagpahigayon petsa 30 ning buyan nan Hulyo tuig 2021 diha na mismo sa Brgy. Silop ning dakbayan.

Sa amo na makasaysayanong kalihokan sa nasampit na Barangay mitabong mismo an mga kadagkuang opisyal gikan na sa kaulohan nan Department of Interior and Local Government (DILG) na tag panguyohan ni Assistant Director Rene Valera, nan Office of the Projects and Development Services- Project Monitoring Office nan Nasyonal; mga opisyales sa dakbayan tagpangunahan na ni city mayor Estong Matugas; Hon. Mario Gesta; jaon isab an presensya nan mga musunod: Regional Director Lilibeth Famacion nan DILG-Caraga; Assistant Regional Director Engr. Donald Seronay; Provincial Director John Reyl Mosquito nan DILG; City Director Jimelyn Ballicud; lakip na usab mitambong mismo si General George Banzon, an Brigade Commander nan 901st Philippine Army iban na isab ni LTCOL Aristotle Antonio, an Commanding Officer nan 29IB Philippine Army; PLTCOL Glenn Sampaga an COP; City Administrator Atty. Jerry Centro; City Legal Officer Atty. Manuelito Delani; mga department heads; mga opisyales nan Barangay Silop tagpangunahan na ni Punong Barangay Hon. Florencio Lacabra; iban isab sa laing mga kapitanes sa ubang barangay sa dakbayan na nagpakadawat isab nan susamang pondo alang sa ubay-ubay na mga proyekto para sa ila tagsa-tagsa ka mga barangay.

Samtang an 20 milyones ka pesos ini tagpaigoan sa musunod na proyekto: 17M niini ang pagpa semento sa 1.264KM na dayan parte nan Brgy Silop; samtang an 2 milyones kapesos para isab sa pag instalar nan mukabat sa 38 ka units nan streetlights ug an 1 milyones kapesos an para na sa pagkompleto nan ila Brgy Health Center. Sumaya pa na ini na proyekto an tagtakda na matapos kuman buyan nan Desyembre tuig 2021.

#MaradjawKaradjaw
#PadajonPaglamboSurigao