February 10, 2020

iNFOCUS: Health Declaration Card, pre-requisite sa matag pasahero!

Gibutyag ni Dr. Charito Arriba sa Surigao City Health Office na sa pagkakaron ang nag-padayon ang ilang pagpangandam labot na sa Novel Corona Virus pinaagi na sa pag susi sa mga pasahero sa mga barko nga mosulod dinhi sa atong syudad nan Surigao, kini human gipatawag ni Surigao City Mayor Estong Matugas ang tanang mga hepe sa buhatan sa lokal nga pagamhanan.

Una niini, kinahanglan adunay mapakita nga Health Declaration Card ang matag pasahero nga musulod sa atong dapit ug pag-susi kon aduna bay sintomas pinaagi sa Scanner kon ang pag ditek kung aduna bay hilanat ang pasahero partikular na an naga gikan sa lugar nga adunay PUI kon kaso sa maong nCoV.

Kung kini adunay sintomas, ang ila kining dalahon dayon sa Caraga Regional Hospital sa Isolation Ward isip Person Under Investigation sulod na sa 14 diyas, nga walay pwedeng makabisita.

Hinuon tag butyag usab ni Dr. Arriba nga negatibo ang atong syudad nan Surigao sa Novel Corona Virus.

Samtang, nanghinaut si City Mayor Estong Matugas sa kooperasyon sa matag indibidwal sa tanang lihok ug lakang sa gobyerno sa pag-panalipod sa maong Virus, labi na usab sa mga buot mobisita sa syudad ug sa mga lumalabay dinhi sa atong dapit aron mas masiguro nga walay makasulod nga maong sakit nga makamatay.