iNFOCUS: Laing Health Advisory gipagawas sa buhatan ni city mayor Estong Matugas, mao ang pagpahibalo nga agig pagpatuman sa kamanduang nasyonal sa paglikay ug pagbawal sa mga dinagkung pagtapok-tapok kon mass gathering diin adunay gindaghanong presensya sa mga katawhan, walay misa una ang ipahigayon sa simbahan o bisan unsang kalihokan sa simbahan nga adunay partisipasyon sa publiko.

Hinuon, kini giuyonan usab sa mga religious leaders sa nagkalain-laing relihiyon nga anea sa syudad sa Surigao, agig pagsuporta ug pagpalikay usab sa ilang mga myembro sa gikabalak-ang Covid19.

Samtang, kabahin niini nagpagawas usab ug pahibalo ang buhatan ni Bishop Antonieto Cabahog, ang obispo sa Surigao nga nagpahibalo nga walay una misa ang matigayon sulod sa simbahan apan adunay ipahigayon nga "livestreaming" aron makatan-aw ug padayon gihapon ang pagsangyaw ilabina sa mga katolikong relihiyon.

Annette Villaces,CMO