December 3, 2018

Usa ka multicab driver, gipasidunggan sa gobyerno sa dakbayan!


nfocus: Gi pasidunggan sa gobyerno sa syudad ang usa ka multicab driver nga gi ilang si Mr. Ramie Navarro taga Brgy Taft ning dakbayan, kini tungod na sa iyang gihimong pag uli sa pitaka sa usa ka langyaw o turista nga adunay sulod nga mga kwarta ug mga importanteng IDs sa tag iya nga usa ka Lebyan nasyonal.
Si Mr. Ramie Navarro ang nagpakadawat ug usa ka sertipiko ug cash gikan mismo ni city mayor Nitoy Matugas tungod gikalipay niini ang gihimo sa maong Surigaonong driver ug nanghinaot nga untana mamahimo kining inspirasyon sa tanan nga kung muhimo sa marajaw nga binuhatan ang magpakadawat usab ug karajawan.
Samtang si Mr. Navarro wala magdahom nga ang iyang gihimo ang makapag palipay sa tanan nga nakahibalo tungod matod pa nga sa dihang iyang nakita ang maong pitaka wala siya mag duha-duha nga e-uli kay dili siya gusto nga ipakaon sa iyang pamilya ang dili iyang hinagoan nga kwarta. Iya pong gi huna-huna nga ang nawad-an usa ka langyaw ug para ang ubang turista dili matagam nga muanhe sa syudad sa Surigao. Daku usab ang iyang pasalamat sa tanan nga nagpakita ug kalipay sa iyang nabuhat.
©️Mico Surigao
#SurigaoPagkamaradjaw