October 29, 2018

 

Usa ka empleyado gi ila sa kadagkuan sa gobyerno syudad.

 

Si Traffic Officer Raymond Langit nasurpresa sa dihang gi ila siya ug gihatagan ug pasidungog pinaagi na sa pagtunol ug "Gantimpala Agad Award" sa mga kadagkuang opisyal sa syudad pinaagi ni city mayor Ernesto T Matugas.

Diin matod pa nga si Mr. Langit ang naka aksyon dayun sa nahitabong pagdasmag sa usa ka wing van ngadto sa poste sa may San Nicolas- Roxas nga bahin diin sa maong poste naka installed ang usa ka unit sa CCTV sa syudad nga bag.o pa lamang gipangtaud. Niini, gi gukod sa maong empleyado ang nasampit nga wing van hangtod nga na abtan.

Gi-ayo pag-atubang ni Mr. Langit ang tag.iya ug driver sa wing van ug gi-uban sa city administrator's office, Atty. Jerry Centro kansang mipahibalo usab gilayon sa mayor sa maong panghitabo.

Sa maong kalamboan gikalipay kini sa buhatan sa mayor, sa hinanaling pag-aksyon ug pagsulbad sa maong panghitabo. Tungod kay kung wala dayun kini masakpan ang wing van nga nakabangga maglisod ug pagsubay ang gobyerno kung kinsa ug unsay hinungdan sa pagkabali ug pagkabitay sa CCTV unit.

Hinoon sa pagkakaron na plastar na balik ug mas secured na nga nataud.

Usa lamang si Traffic Officer Raymond Langit sa mga gi-ila sa panggamhanan nga kinsang nagserbisyo ug tinooray ug sinsero nga mihimo sa iyang mga responsibilidad isip usa ka trabahante sa syudad.