October 16, 2018

Farmers field school on cacao production

Infocus: Studyante sa Farmers Field School on Cacao Production sa tuig 2018, mi-gradwar karung adlawa. Kapin kon kulang traynta (30) ka mga indibidwal mga estudyante sa Mat-i Senior High School apil ang mga mag.uuma kon farmers ug growexrs sa nasampit nga Barangay ang mi-gradwar sa karung tuiga sa gitawag nga programamg Farmers Field School on Cacao Production nga diin gipahigayon ang Graduation Ceremony sa Brgy. Mat-i Gymnasium petsa 16 ning bulan sa Oktubre 2018.

Kini nga programa namugna pinaagi sa Department of Agriculture, Agricultural Traininng Institute ug usab sa hugot nga suporta pinaagi sa pag-implememtar sa administrasyon ni city mayor Ernesto T Matugas pinaagi na sa buhatan sa City Agriculture sa pagpanguyo ni Ms. Haydee Villalba ug Mr. Cielo Cotiangco.

Sa pamahayag sa mga kadagkuan sa maong programa daku usab ang ilang pasalamat sa buhatan sa mayor diin kini ang mitabang pinansyal sa ilang mga filed trips ug educational tours sa ubang dapit diin pinaagi niini mas mapalapdan pa ang mga kahibalo ug experyensiya sa mga studyante ngadto na sa natad sa agrikultura nga pipila na lamang ang mukuha sa maong kurso.

Dugang pa nga adunay usab nahimutang nga Cacao Farm Production sa Brgy. Mat-i, nga diin kini maoy silbing training ground sa mga farmers isip usab ilang primary source of income. Nagplano usab ang dakbayan sa Surigao nga muhimo ug processing center aron adunay mamahimong finish product sa mga maaning cacao ug kini hingpit nga mabutang sa merkado.