January 23, 2020

Infocus: Launching sa Operationalization sa EO# 70 sa dakbayan, nagmalampuson!

Agig suporta sa kamanduan ni Pres. Rodrigo Roa Duterte sa gipagawas niining Executive Order No. 70, nga diin tinguha niini ang pag-institutionalized "sa tibuok nga gobyerno" nga pamaagi, aron pag-tapos sa lokal nga armadong panagbangi sa komunista sa matag lokalidad, ang gobyerno sa syudad sa pagpanguna ni City Mayor Estong Matugas kaabag ang Department of the Interior and Local Government (DILG) pinaagi ni DILG Dir. Jimelyn Ballicud, City Peace and Order Council (CPOC) ug City Development Council (CDC) ang mihimo ug City Task Force to End Local Communist Armed Conflict (ELCAC) sa dakbayan.

Kagahapong adlawa, Myerkules petsa 22 sa buyan sa Enero tuig 2020 gipahigayon ang Launching sa Operationalization sa EO#70 alang na sa tibuok syudad ng Surigao nga diin gihimo sa Sitio Brazil, Brgy. Mat-I sa pag-panguna mismo ni Surigao City Mayor Estong Matugas.

Matud pa ni Mayor Matugas, tinguha sa gobyerno ang kalinaw, kahapsay ug kalamboan alang sa tibuok dakbayan busa nanghinaut kini sa suporta sa matag indibidwal sa tanang kalihukan ug mga programa sa administrasyon ug aron usab masulbad ang hinungdan sa kagubot, terosismo, ug uban pang dagway sa panagbangi ug hulga aron mapadayon ang paghatud ug sukaranan nga mga serbisyo.

Samtang, adunay usab “Serbisyo Caravan” sama na sa Dental/Medical Services sa CHO, Free Haircut sa 30th IB, PA ug LTPC, Supplemental Feeding sa CSWDO, Issuance sa NBI Clearance sa NBI Surigao, Anti-Rabies Vaccination, Deworming ug Cattle Dispersal sa Veterinary Office, Legal Services sa mga Tenants sa DAR, Distribution of Slippers and Lice Alis sa PNP-Surigao City, ug Hygiene Kits distribution sa SMWD-Prime Waters ug CSWDO, ug serbisyo gikan sa DICT.

Dugang pa nga adunay P13M ka pesos gikan sa National Budget arun sa pag-semento sa kadalanan sa Sitio Brazil nga matud pa sa Mayor paningkamutan niini madugangan ang maong budget kung tingali kini mag-kulang.