October 17, 2018

Division Career Guidance Week Culmination Program, gipahigayon.

Infocus: Mipahigayon ang Department of Education, pinaagi sa Schools Division Office sa dakbayan ug usa ka Culmination Program sa Division Career Guidance Week Cum Mental Health Awareness Advocacy sa tema nga: “Unlock Your Potential, Find Your Passion and Follow Your Dreams”, petsa 17 ning bulan sa Oktubre 2018 nga gihimo sa City Gymnasium.

Sa maong culmination, gipahigayon usab ang Mr. & Ms. AGCLS 2018 kon Association of Guidance and Counseling Implementers in Surigao, nga diin gi-partisiparan sa nagkadaiyang tulunghaan susama sa NEMCO, SEC, SJTIT, SPUS, STI, CRSHS ug SCNHS.

Samtang, sa mao nga Career Guidance Week ang ubay-ubay ang mga aktibidad ang napahigayon gisugdan sa usa ka parada sa may alas 7:00 sa buntag, gisundan sa pag-tuki sa ubay-ubay nga mga topiko susama sa Muscle Conditioning, Job Readiness Forum and Career Talk, Mental Health Awareness, Career Talk sa TESDA, PAMET, PNP ug uban pa.

Mipaabot usab sa iyang suporta ang buhatan ni city mayor Ernesto T Matugas kansang gipadala niini isip iyang representante si Atty. Manuelito Manny Delaninga maoy mipadayag sa iyang mensahe ngadto sa mga maestra, mga estudyante ug kadagkuan sa matag tulunghaan ug sa DepEd Division.