Pangagamhanan sa dakbayan mi apod-apod ug mga nag-unang galamitan sa mga nasunogan

Sa nahitabong sunog adlawng merkules Pebrero 21, 2018, aktibong mihatag gilayon ug tabang ug aksyon ang nagkadaiyang ahensiya ilabina ang mga opisyales sa Brgy. Taft nga gipangulohan ni Kapitan Pablo Bonono diin dali-daling gipahiluna ang mga katawhan sa Nueva Gym o Brgy. Taft Covered Court.

Sa pinakaulahing datos nga natala, mukabat sa 44 ang mga apektadong panimalay, 54 ka pamilya ug 250 ka indibidwal ang nabiktima.

Sa maong panghitabo, mipaabot diha-diha ang pangagamhanan sa syudad ug ayuda nga gipangunahan sa buhatan sa CSWDO sa pagpangulo ni Mrs. Myrna Destajo ug 5 ka sako bugas; 250 ka delata, 250 ka 3-in-1 nga kape, 180 ka cup noodles, mga banig, moskitero, ug habol lakip usab mga hygiene kits, ug duha ka rolyo nga trapal nga tag 100 ka metros.

Sumala pa nga gituohang tungod sa electrical connection ang nahimong rason nga mitumaw sa maong insidente.