February 04, 2020

iNFOCUS: Colorum nga mga motorsiklo sa dakbayan, e-prioridad sa konseho!

Ang gobyerno sa dakbayan ang maong mopahigayon ug Public Consultation alang na sa mga colorum nga mga motorsiklo.

Kini gikasabutan sa mga sakop sa konseho nga sa sunod semana adlawng merkules alas 2 ang takna sa hapon, ilang ipahigayon ang Public Consultation alang na sa mga colorum nga mga tricycle, aron sa ingon nga maklaro ang bilang niini ug mahatagan ug dugang prangkisa, ug mamahimong legal ang pagpamasada palibot sa atong syudad nan Surigao.

Tagbutyag usab ni Kagawad Danilo Menor ang Chairman, Committee sa Transportation and Communication nga sa pagka karon ang adunay 310 ang bilang sa aplikante nga buot maka baton ug mga prangkisa.

Dugang pa ni Kagawad Menor nga ilang eprioridad ang mga Tricycle nga nag byahe o nangulorum panahon sa kagabhion aron mas kampanti ang mga motorista.

Samtang, alang na sa mga gitawag nga bao-bao ang pagahisgutan pa sa konseho ang prangkisa niini.