October 29, 2018

 

City Peace and Order Council meeting, nagmalamposon.

 

Infocus: Nahimong nagmalamposon ang gipahigayong usa ka adlaw nga panagtigom sa mga myembro sa City Peace and Order Council nga gipangunahan mismo ni city mayor Ernesto T. Matugas isip maoy chairman.
Kini gihimo petsa 29 ning bulan sa Oktubre 2018 sa CMO-Conference Room.

Nahimong sentro sa maong panagtigom ang plano sa siguridad sa dakbayan sa umaabot nga pag obserbar sa kalag-kalag kon Undas 2018.

Una nga mipresentar ang mga kadagkuan sa City PNP pinangulohan ni PSupt Diomedes Cuadra kinsang mipahayag nga aduna silay mukabat sa 93 ka mga police officer ang ipang assign kon e deploy sa mga nagkalain-laing menteryo sa syudad ilabina gayud diri sa sentrong pampubliko ug pribadong sementeryo nga sarang magdumog ang daghang katawhan.

Dugang pa nga adunay usab ipahimotang nga mga Police Assistance Desk (PADS) sa mga strategic areas aron mas visible ug dali makadool ang publiko kon ugaling adunay mga panginahanglanon.

Sa laing bahin, mukabat usab sa walo ka mga medical stations ang ipahimotang sa duha ka dagkung sementeryo ug ubay-ubay nga moving medics kini aron sa pagsiguro sa paghatag ug hinanaling tabang medical sa mga dumudoong. Lakip na usab ang mga kamtangang medical susama sa mga BP stations.

Samtang sa dagan sa trapiko, karaang traffic scheme gihapon ang ipatuman sa adlawng Hwebes (Nov.1) ug Byernes (Nov.2) gawas sa dugang deployment sa mga traffic enforcers nga mag giya sa mga motorista. Sa Capitol Road, one-way pasaka isip maoy entrance ug exit ang dalan spina. No parking usab bothsides sa mga nasampit nga dalan aron mas lapad ang portion nga kabaktasan sa mga pedestrian sa wala (leftside) nga bahin padulong capitol road.

Ang publiko gihangyo nga e save ang numero sa central hotline sa dakbayan 0929-420-9511 para sa adunay magkinahanglang assistance sa maong mga higayona. Apil na usab ang mga numero sa kapulisan sa siguridad nga panginahanglanon.

Samtang sa laing bahin, gipadayag usab sa maong panagtigom ang accomplishment report sa City Advisory Council Chair, Atty. Manuelito Delani ang nahimong nagmalamposon nilang joint efforts sa pagpahigayon sa "Oplan Bantay Syudad" diin ilang gilibot ang mga establisyemento sa syudad kadtong adunay imnanan ug mihimo sa pag inspection, kapkap, ug hatag sa mga mahinongdanong impormasyon ilabina sa mga menor de edad.

Kini nagmalamposon ug nagpadayon nga programa sa kapulisan aron sa pagsiguro sa kalinaw panahon sa kagabhion ug walay mga kagubot ang mutumaw sulod sa maong kalingawan.