October 26, 2018

2018 City Level Popquiz, nagmalamposon.

 

Infocus: Mikabat sa 28 ka mga partisipante nga gikan sa mga nagka lain-laing mga tulonghaan ang misalmot sa nagmalamposon nga City Level Popquiz nga gihimo sa city gym, city hall compound ning dakbayan sa Surigao petsa 26 ning bulan sa Oktubre 2018.

Tumong sa maong kalihukan mao ang pag sukod sa kalantip sa mga estudyante sa natad sa ilang nahibaloan mahitungod na sa temang: "Pamilyang Planado, Panalo!"

Diin nanguna ang Caraga Science High School nga naka kuha sa puntos nga 33; samtang nahimong 2nd ang W.D Rafols National High School nga naka kuha sa grand total nga 21.3; 3rd ang St. Paul University Surigao nga naka kuha sa grand total nga 21 puntos.

Gibutyag ni Mr. Jupiter Coreos, ang kasamtangang hepe sa CityPopcom nga sa 28 ka mga partisipante nga nagpalista, duha (2) niini ang wala maka partisipar, mao ang sa Brgy. Talisay National High School, ug ang STI.

Sa maong kalamboan kini gikalipay sa kadagkuang opisyal sa dakbayan gumikan sa kadaghanon gihapon sa mga tulonghaan nga misalmot sa maong importanteng kalihokan kaabag ang Department of Education kini aron sa pagpahanas sa kapasidad og intelehenteng mentalidad sa matag estudyante nga padayon sa pagtoon sa mga impormasyong may kalabotan sa sosyal de pang-gobyerno ug uban pang sektor sa komunidad.