Career Orientation ug Career Coaching, ipahigayon alang na sa mga City Scholar.

Ang kagamhanan sa dakbayan sa Surigao pinaagi na sa city scholarship coordinator-designate Ms. Lovely Anne Sayson, ang muhimo ug usa ka career orientation ug career coaching alang na sa tanang 3rd yr ug 4rth yr city scholar ning syudad.

Tumong ug tuyo sa maong aktibidad nga ang maong mga partisipante mamahimong may direksyon na sa kung unsa man ang angayan nga mga propesyon alang kanila sa umaabot.

Samtang, nanghinaut usab ang mga kadagkuan sa dakbayan nga unta ang tanan City Scholar dili makalimot sa pag-gamit sa ilang natapos nga kurso pinaagi sa pag-hatag ug serbisyo sa gobyerno ug alang na sa tanang Surigaonon aron makatabang sa pag-palambo sa atong dakbayan.

Ang maong kalihokan ang ipahigayon petsa 25 adlawng dominggo ning bulan sa Pebrero tuig 2018 sa may alas 8 sa buntag hangtud na alas 12 sa udto anha sa city cultural center sa city hall compound.

Sa pagkakaron ang aduna nay 370 ang bilang sa City Scholar sa nag-kadaiyang tulunghaan sa dakbayan.

Sa mga Surigaonon nga gusto mo-skwela apan walay igong pang-gasto niini, mamahimo lamang muduol ug hanapon ang maong City Scholar coordinator diha na sa City Mayor’s Office, 2nd Floor sa City Hall.