First-ever Dragon Boat International-Sports Tourism Event sa syudad, sa Mayo na!
🛶🛶🛶 ☀️

Hugot na ang pagpangandam karon sa gobyerno sa syudad sa pagpangulo ni City Mayor Ernesto T. Matugas alang sa umaabot nga 1st International Dragon Boat Summer Festival karong petsa 25-27 sa bulan sa Mayo tuig 2018.

Agig pagpangandam, usa ka Executive Order No.13 Series of 2018 ang gipagawas sa buhatan sa mayor diin nagtudlo sa Executive ug Working Committees lakip ang matag functions niini aron mas matutukan ang tanang panginahanglanon ug igong pangandam sa dakung aktibidad sa syudad.

Sa maong Summer Festival, ang dakbayan sa Surigao, isip Island/Coastal City, mamahimong makilay-an dili lamang sa Pilipinas kundi lakip sa ubang kanasuran kay kini usa ka Sports-Tourism Event which aims to promote water sports sa atong dakbayan.

Sa pinakaulahing impormasyon, mikabat na sa 25 ka mga grupo o participating teams ang musalmot sa maong kompetisyon sa tibook Pilipinas ug abroad ( 21 Natl teams, 4 Intl teams).

Matod pa sa mayor, ini garbo sa matag Surigaonon uban sa iyang panghinaot nga ang tanan mosuporta, mosaksi ug mutabang pinaagi sa pagpromote niini sa Social Media ug nga ang tanan makigkooperar aron kini hapsay ug magmalamposon.