February 19, 2020

Plantsado na ang pagpreparar alang na sa umaabot nga ika-tulong tuig kon 3rd Dragon Boat Competition karong petsa 17 hantud na petsa 19 sa bulan sa Abril ning tuig 2020.

Kini maoy mayoryang nadisisyunan subay usab sa gipagawas nga bag-ong advisory kon "Joint Statement sa Department of Health (DOH), Department of Interior and Local Government (DILG) ug Department of Tourism (DOT) kabahin sa pagtugot sa bisan unsang public gatherings/activities nga adunay katakos nga pagsiguro sa komunidad nga sakop niini ang magpabiling hugot ang pag implementar sa nag unang safety precautionary measures batok na sa COVID2019.

Sa pagkakaron ang lokal nga pagamhanan pinaagi sa City Health Office sa pakigtambayayong usab sa nagkalain-laing ahensiya sa gobyerno ang nagpadayon sa pag-himo ug mga aktibidad ug nagkadaiyang lakang aron mahilikay ang dakbayan sa maong virus nga subay sa kamanduan sa DOH.

Dugang impormasyon sa nasampit nga festival, adunay pagahimoong Medical Bulletin alang na sa matag grupo, ug kinahanglan adunay Health Declaration Card ug mu-agi ang matag usa sa Body Thermal Scanner, pagdala ug Alcohol lakip na usab ug Facial Mask uban sa mas halapad nga pagahimoong pag monitor sa kinatibuk-ang dagan sa maong kompetisyon.

#MasLingawSaSurigao
#TheCityofIslandAdventure