September 06, 2019

Ang PRAISE kon Program on Awards and Incentives for Service Excellence ang maong programa sa lokal suyod sa administrasyon ni Vice Mayor Nitoy Matugas, nga diin hugot usab nga gisuportahan sa bag-o nga administrasyon sa pag-panguna ni City Mayor Estong Matugas pinaagi na usab sa pag-ila sa mga laing empleyado nga nag-serbisyo suyod sa 10 hangtud na 40 ka tuig.

Agig pagsaulog sa ika-49th Charter Day Anniversary nga diin gipahigayon usab ang City Employees Night adlawng Sabado buyan sa Agosto 31, 2019 sa City Gymnasium adunay 46 ang bilang sa mga empleyado nga nagpakadawat agig pag-ila sa pagpanerbisyo niini.

Kini gipangunahan mismo ni City Mayor Estong Matugas kauban usab sa mga konsehales sa Sangguniang Panlungsod sa pagpangulo ni City Vice Mayor Nitoy Matugas, ug ni Ms. Hairee Cel Pedimonte sa Human Resource and Development Office sa dakbayan.

Ang matag usa niini ang maong nagpakadawat ug dakung kantidad nga diin mas nag-malipayon ang Mayor kay tungod adunay mga empleyado nga sinsiro nga nagtabang sa pag-pangalagad sa katawhan sa syudad.

Nanghinaut usab ang batan-ong Mayor, nga ang tanang empleyado makig-kooperar sa tanan aktibidad ug programa sa gobyerno aron mas hapsay ug plastado ang dakbayan labi na sa sunod pa na mga katuigan.